Haurtzaindegia

  1. Home
  2. Haurtzaindegia

HAURTZAINDEGIA: HAUR HEZKUNTZAKO ESKOLA (0-3 urte)

Txikienentzako haurtzaindegi-zerbitzua ere badu gure ikastetxeak, goi-mailako prestakuntza duten langileek zaindutakoa, haurren garapen pertsonala eta kognitiboa sustatzen dutena.

Hizkuntza-eredua: Gure proiektu hirueleduna oinarrizko hezkuntza osoan dago ezarrita, haurrek 2 urte betetzen dituztenetik aurrera, euskara delarik komunikatzeko eta irakasteko hizkuntza.

Tutoretza: bizitzako lehen 3 urteetan
Nola egiten dugu lan txikienekin?
Tutoretza: bizitzako lehen 3 urteetan
  • Oinarrizko egitura neuropsikikoak eraikitzen dira.
  • Munduarekiko lehen harremanak antolatzen dira.
  • Norberaren nortasunaren nozioa lantzen da.
  • Lehen informazioak eta kontzeptuak, lehen prozedurak eta lehen balioak, jarrerak eta arauak erdiesten dira.
  • Abian jartzen da gizarte-partaidetza.
Nola egiten dugu lan txikienekin?

ESTIMULAZIO GOIZTIARREKO PROGRAMA

Estimulazio goiztiarreko metodologiak Glenn Doman-en teoria ezaguna du oinarri; horren arabera, jaiotzatik 6 urtera bitartean gertatzen da giza garunaren heldutasun neurologikoa. Hala bada, adin horietan konexio neurologiko hobeak sustatzearen alde egiten dugunak aukera emango die haurrei etorkizuneko ikaskuntzak hobeto bereganatzeko.

Nola egiten dugu hori?

Haurrei ahalik eta informazio (estimulu) gehien modu zehatz eta arautuan eskaintzean datza teoria hau. Ikasleei egunero irakatsiko dizkiegun hainbat programatan antolatuko ditugu estimuluok.

  • Matematika-programa
  • Programa entziklopedikoa
  • Irakurketa-programa
  • Musika-programa
  • Atzerriko hizkuntzako programa, ingelesa (2 urtetik aurrera, arbel digital interaktiboaren laguntzaz)

Horri guztiari MUGIMENDU PROGRAMA oso bat erantsiko diogu, ikasleek aukera izan dezaten, jardueren bidez, gorputzaren alde biak berdin mugitzeko. Ariketa horiei esker, garunaren bi hemisferioak erabiliko dituzte ikasleek, geroko ikaskuntza-zailtasunak saiheste aldera.

Guneak eta ekipamenduak:

Adin bakoitzerako egokiak diren materialak eta baliabideak dituzte ikasgela guztiek; ingurune seguruak dira, txikienek hizkuntza eskuratzeko eta autonomoak izaten ikasteko ezin hobeak, bide ematen diena, halaber, haien artean erlazionatzeko. Arbel digital interaktiboa du ikastetxeak, baita etapa horretarako psikomotrizitate-gela espezifikoak ere, programa motorra garatzeko helburuz. Horrez gain, jolastoki bereziak ere baditu, zabuekin eta lorategiarekin.

Ordutegia:

Haurtzaindegi-zerbitzuak ordutegi malgua du, eta 8:00etatik 18:00etara dago irekita.
Familia bakoitzaren premien araberako egokitzapen-aldia eskaintzen dugu beti.

Egutegi
Eskolako Arropa
Eskolako Arropa
Menu